الكورسات (المقررات)
🔴مسك الختام! بونبوناية الكهربية وأسهل فصل فيها فعليًا ! اطمن أي أجزاء هنحتاجها من الفصل اللي فات المستر هيشرحها جوا المحاضرة .. هنتعرف على التيار المتردد ولو وصلناه في دايرة فيها مقاومات هيحصل إيه؟ ولو فيها ملفات؟ ولو فيها مكثفات؟ هنتعرف على إن العالم أوم اتجوز 4 مرات وخلف 4 تواءم هما المقاومة والمفاعلة الحثية والمفاعلة السعوية والمعاوقة 😂 وهنختم الفصل بشرح أجهزة اللاسلكي والراديو ونفهمك إزاي بيشتغل "الدائرة المهتزة ودائرة الرنين" .. مممممممتع جدا جدا لازم تسمع شرحه من المستر عمرك ما هتنساه 💖💖💖
🔴يلا نفرم الفصل الثالث؟ أهم فصل في المنهج وأكتر فصل عليه درجات🔥 بشرى خير ليك إن الفصل مش معتمد غير على ال ٣ ورش بتوع المراجعة على الفصل الثاني يعني لو حتى كان متراكم عليك اللي فات تقدر تبدأ الفصل ده وتركز فيه عشان هو أهم فصل عليه درجات.. احنا مستعدين نلم لك الحث الكهرومغناطيسي ونعرفك إزاي فاراداي عرف يولّد كهربا بواسطة مغناطيس والحث المتبادل والذاتي وكمان نعرفك الدينامو وما أدراك ما الدينامو وندرس المواتير بردو ونختم بالمحولات الكهربية "شواحن الموبايل" ، ها.. أنت مستعد؟ 💪🏼 يلا بينا ^^
🔴رحلة جديدة هنخوضها في علم الفيزياء المغناطيسية! هنأسسك في علم المغناطيسية، وتعرف ازاي ممكن نولد مجال مغناطيسي بواسطة الكهربا كمان! وناخد كل أشكال توليد مجال من سلك وملف دائري وملف لولبي ونتقن أفكارهم، ثم ندخل على القوة المغناطيسية العفريتية اللي بتخلي السلوك -اللهم احفظنا- بتتحرك لوحدها كأنها ملبوسة !🙀 وطبعا لازم نتقن قواعد أمبير وفلمنج لليد اليمنى واليسرى اللي دايما بتغلبط فيهم، ثم ندخل على عزم الازدواج والجلفانومتر والأميتر والفولتميتر ونتعرف على تركيبهم وقوانينهم ونتقن مسائلهم، ونختم الفصل بالأوميتر الجميل 💖
🔴بداية رحلة المنهج! هنساعدك تلم الفصل بتخفيض مادي أكتر من 120ج، هنخوض في تفاصيل المنهج من بدايته خلال 7 محاضرات كاملين في علم الفيزياء الكهربية! هنأسسك الأول في البداية ونعرفك يعني إيه كهربا وازاي تحسب شدة التيار وتتقن التوالي والتوازي لحد ما نوصل لأعلى أفكار في الفصل في قراءات الأميتر والفولتميتر وكيرشوف وتحل أسئلة مستويات عليا كمان، ونختم بورشتين عمل مراجعة عالفصل كله❤️